﻿Milayo ya vhudifari ya Tshumelo ya Mapholisa a Afurika Tshipembe.
﻿
﻿Ndivhadzo ya milayo ya vhudifari
﻿
﻿U ya nga vhudifari ha mapholisani, hu todea uri rine sa Tshumelo ya Mapholisa a Afurika Tshipembe, ri fulufhedzee khathihi na u thonifha u fhambana ha vhathu na mulayo nga u netshedza tshumelo ya maimo a ntha ine ya do tutuwedza uri ri tanganedzee kha vhadzulapo.
﻿
﻿Ri do ita mishumo yashu ri tshi tevhedzela milayo mitanu ya vhudifari
﻿
﻿
﻿1. U fulufhedzea
﻿
﻿
﻿Tshumiso: U ya nga vhashumi vha SAPS, ngoho ndi tshithu tsha ndeme nga maanda.
﻿
﻿
﻿Thalutshedzo: Rine sa vhashumi vha SAPS, ri do bvela phanda na u tevhedzela ndivho, milayo, vhudifari na maimo zwa SAPS. Vhudifari hashu vhu do tshimbilelana na iyi milayo. Ri do shuma nga ndila ya u sumbedza u fulufhedzea khathihi na u vha na vhudifhinduleli kha zwothe. Tshifhinga tshothe ri do amba ngoho, na u ita mushumo washu ro diimisela.
﻿
﻿
﻿2. U thonifha u fhambana
﻿
﻿
﻿Tshumiso: Vhashumi vha SAPS vha tanganedza u fhambana ha vhathu vha shango lashu, na u vha thonifha nga u lingana.
﻿
﻿Thalutshedzo: musi ri tshi khou ita mishumo yashu, ri do thonifha uri vhathu vho fhambana u ya nga mvelele kana nga inwe ndila-vho.. Ri do thonifha vhathu vhothe nga u lingana, khathihi na pfanelo dzavho sa vhadzulapo vha Afurika Tshipembe.
﻿
﻿
﻿3. U tevhedzela mulayo
﻿
﻿Tshumiso: Vhashumi vhothe vha SAPS vha a thonifha na u tevhedzela mulayo tshifhinga tshothe.
﻿
﻿Thalutshedzo: Mushumo washu muhulwane ndi u vhona uri mulayo u a tevhedzelwa. Ri do vhona uri tshifhinga tshothe ri tevhedzela mulayo na Ndayotewa ya shango lashu malugana na izwi. Ri do lingedza nga ndila dzothe u sa ita zwithu zwine zwa do ri sia ri vhapfuki vha mulayo. Ri do tsireledza vhadzulapo vha Afurika Tshipembe kha nyito dzi si ho mulayoni tshifhinga tshothe.
﻿
﻿
﻿4. Tshumelo ya maimo a ntha
﻿
﻿Tshumiso: Vhashumi vha SAPS vha shumela u swikelela tshumelo ya maimo a ntha.
﻿
﻿Thalutshedzo: Tshifhinga tshothe ri do vhona uri ri ita mishumo yashu zwavhudi nga hune ri nga kona. Vhudifari hashu vhu do sumbedza u vha phurofeshinala hashu. Vhudifari hashu na ndila ine ra vhonala ngayo zwi do tanziela u diimisela hashu kha u netshedza tshumelo ya maimo a ntha.
﻿
﻿5. U tanganedzwa nga vhadzulapo
﻿
﻿
﻿Tshumiso: Vhashumi vha SAPS vha thusana na vhathu, u itela uri vha tanganedzwe na u tikedzwa nga vhadzulapo.
﻿
﻿Thalutshedzo: Ri do shumela vhadzulapo nga ndila ine vha toda ngayo, na u lingedza nga ndila dzothe u tevhedzela mulayo, khathihi na u ri ri tanganedzwe nga vhadzulapo nga u angaredza.
﻿
﻿
﻿
﻿
